“Ақжігіт жалпы білім беретін мектеп” КММ-де Мектеп парламентінің ұйымдастыруымен ұлттық валюта күніне орай “Теңге тарихы – ел тарихы” атты сауалнама өткізілді. Іс-шараның мақсаты – оқушылардың теңге тарихы туралы түсінігін тереңдетіп, ұлттық құндылықтарға деген қызығушылығын арттыру.
Шара барысында оқушылар белсенділік танытып, ұлттық валюта жайлы тың ақпараттар алды. Сауалнама қорытындысы олардың қаржылық және тарихи сауаттылығын дамытуға оң әсерін тигізді.
Мектеп парламенті атқарған бұл бастама оқушылардың танымын кеңейтіп, елдік құндылықтарға құрмет сезімін нығайтты.